(por X. Dasairas)
Joaquín González Fuentes (Oimbra, 1932). Estudiou Dereito nas Universidades de Salamanca e Santiago, prestando os seus servizos como Asesor na Asesoría Xurídica na Caixa de Aforros Provincial de Ourense, etapa que, durante algún tempo compartiu coa de Asesor Xurídico Municipal da extinta UCD para a provincia de Ourense.
A súa afección á literatura vese reflectida en numerosos contos publicados na revista "Corredoira" e outras publicacións de ámbito provincial. Asimesmo, é autor de numerosas publicacións en revistas e xornais nas que amosa o seu interese por temas de ámbito social e xurídico, publicando en 1978 un interesante ensaio sobre a Constitución Española meses antes da súa aprobación.
 |